Faamalosia le ave e se tina o si ana tama e 17 tausaga i le falemai i lana taavale ona o le le lava o taavale a le falemai e avanoa ane.
Fai mai lipoti na matapogia le tamaititi 17 tausaga lea i le gym sa iai i le latou faaitu i Lismore ma vili ai e le aufaigaluega a le gym le taavale a le falemai. Faamatala e le tina o le tamaititi sa iai foi i le gym o se tulaga faigata tele na vaaia ona e silia ma le itula o faatali mo se taavale a le falemai peitai e leai lava.
E 20 minute le umi e malaga ane ai mai le gym i le falemai ma sa faavave loa si tina ona ave ane lana tama i le taavale ma faavave loa i le falemai. E lei fia faia se faamatalga mai le Northern New South Wales Health District i le lipoti lea ae o le popolega o lea tina ma nisi ua faafofoga i lenei lipoti pe faapefea pe afai e leai ni taavale a le falemai e avanoa ae manaomia vave le fesoasoani e nisi ma iu ina maumau ai se soifua.
Fai mai le toatele o se mataupu lenei ua alaga tatau ona silasila totoa iai le faigamalo a NSW .O le tamaititi na aafia ua faasolo manuia i le taimi nei fai mai le toatele e faafetaia foi le le nofoa’i o le tina ae gaioi e faatino se fesoasoani mo si ana tama.
Puna o Faamatalaga: https://www.abc.net.au/news/2024-11-07/ambulance-paramedic-shortage-forces-mum-to-drive-to-hospital/104563366
