Ua leai se faasalaga e tuuina i le prop a le Titans ma le Maroons o Tino Faasuamaleaui i le fetauiga ma le hooker a le Tigers, Api Koroisau i le taaloga talu ai sa faapea o le a misi ai le avanoa o Faasuamaleaui i le taaloga lona lua o le State of Origin pe afai ae fai iai se faasalaga.
O le faalauiloa mai la o le faaiuga a le NRL i le mataupu lea ua soloia ai popolega o nisi o le autapuai a le Maroons auā sa toatele na manatu e iu ina faamalolo lē tumau Faasuamaleaui.
O le taaloga a le Titans ma le Storm i le taamilosaga lua o le Super Rugby i le tausaga nei lava ua ta’ua e le 9Sports sa faasala ai Faasuamaleaui e totogi le $1,500 ona o le faaaogā o le tau’au i lana pue ia Eliesa Katoa, sa salatupe foi i le taaloga ma le Bulldogs.
Ina ua fesiligia e nisi o le autusitala e pei ona faailoa i le lipoti i le tulaga o le faiga o lana technique i le taaloga auā ua toalua tama taaalo ua aafia ai, na ta’ua e le alii taalo o lana tamoe lava lea mai lava i le taimi na faatoa amata ai lana taalo i le NRL.
