Fai mai e tumu le faigāmalaga a le Virgin Australia lea na tupu ai le faalavelave i le po anapo ma tulaueleele i Brisbane Ausetalia.
Ta’ua e le 9News o le afi na sasao ane i le break system o le vaalele i le faigāmalaga VA454 mai Darwin i Brisbane.
E 178 le pasese sa i luga o le vaa ma sa land ae le’i tāina le 7 i le afiafi ananafi ae amata sasao ane ai ma le afi.
Ta’ua i le lipoti na vave ona tapē e le vaega o le tineimu i le malae vaalele le afi ma aga’i saogalemu ese mai ai le pasese atoa ma le auvaa.
O le faamatalaga mai le kamupani vaalele, o le asō o loo siaki ai e inisinia le vaalele a o le’i toe faaauauina lana auaunaga ma ua faafetaia foi le vave o gaioiga a le tineimū.
Faamaonia mai e le Virgin Australia e lē o iai se fetuuna’iga i ana faigāmalaga i le asō ona o lea faaletonu ma ua toe foi i le tulaga masani ana faigāmalaga.
Puna o Faamatalaga: https://www.9news.com.au/national/virgin-plane-makes-emergency-landing-at-brisbane-airport/e26ba04c-65ef-483c-adad-c043c43fece8
