Ua faia’ina le Silver Ferns a Niu Sila i le Taimane a Ausetalia i le ‘ai e tasi i le faai’uga o le la taaloga mata’ina i Kalaiesetete mo le Ipu, Constellation Cup i le taaloga o le netipolo.
E maoa’e le tomai ma le silafia o tama’ita’i taaalo mai ‘au uma e lua ma e faamaonia lea i le tulaga taufao na iai le taaloga.
O ‘ai faai’u o le taaloga i le taimi faaopoopo na faia, o Ausetalia e 12 Niu Sila e 11, ua toe nofo nei foi la le ipu ia Ausetalia ma e ui o se tulaga e faafiafiaina ai le ‘au peitai sa vaaia loimata o le faanoanoa i luga o le malae ina ua afaina le tasi o a latou teine taalo o Sunday Aryang, fai mai e fai si tigāina o manu’aga.
Molimau le to’atele o le ‘aumaimoa o le taaloga aupito i finau lea ua molimauina i le va o ia ‘au e lua talu ona amata mai le taamilosaga lea i le 2010.
Puna o Faamatalaga: https://www.rnz.co.nz/news/sport/577237/netball-australia-regain-constellation-cup-in-thrilling-series-decider
