E lua faleoloa sikaleti tobacco stores i le North Shore i Sini, ua tapunia ina ua faatino gaioiga a le malo e tusa ai o aiaiga e ao ona usita’ia e ia ituaiga pisinisi.
O le Minisita o le Soifua Mālōlōina, Ryan Park na ia folafola i le taeao analeila o faleoloa ia e lua i St Leonards, ua faia iai le faai’uga lea i lalo o le malosi’aga o le malo ona o loo masalomia le faatau ai o tapaa lē faatagaina aemaise o vapes.
O loo ta’ua i faasilasilaga i luma o ia nofoaga ua tapunia, e faato’ā toe tatala ia Fepuari o le tausaga fou.
Fai mai na aveina ai e le ausu’esu’e le lata i le 4000 o fualaau ma sikaleti lē faatagaina aemaise o vapes ina ua faatino le latou su’esu’ega.
Fai mai le 9News ua na o se amataga lea o le taumafaiga ua nofo sauni iai le malo e faatino ina ia faaitiitia pe aveesea ai le faafitauli lea o fualaau faasāina i le setete aemaise lava i Sini.
Fai mai la leoleo e lē gata i osofa’iga o le a faia i faleoloa faapea ae o le a tetele foi faasalaga o le a faia e lē gata i tagata ta’ito’atasi ae o le aufaipisinisi.
Puna o Faamatalaga: https://www.9news.com.au/national/new-south-wales-australia-tobacco-stores-closed/3d3ba543-fb5a-4c3f-80f1-a4ca95edb330
