Ua tele mau lapata’iga ua faailoa i le asō e faatatau i le vevela ua aafia ai le tele o vaega o Ausetalia aemaise lava i le setete o Vitoria.
I le isi itu o le atunuu i Kuiniselani ua lipotia mai ai le mamafa o timuga aemaise o lōlōga ma o loo fetaua’ina foi le ono iai o se āfā e afua ane ai i lea faaitū.
O le faamatalaga mai le va’aitau e faapea e iai le avanoa e ono amata ane ai se afa i le itu matu i sasa’e o gataifale o Kuiniselani i ni nai aso o lumanai ai ma o loo mataitū lava fesuia’iga o uiga o le tau.
O loo iai vaega o Vitoria o loo sasao ane ai afi i togavao ma ua lapataia tagata e aumau lalata ane iai ina ia agai ese vave loa aemaise i latou i Lockwood ma le itu i sasae o Bendigo.
O le tuaoi foi o Niu Sa Uelese ma Vitoria ua fautuaina ina ia vave ona agai ese pe a faifaitetele afi o loo sasao ane ai i togavao i le aso.
Puna o Faamatalaga: https://www.9news.com.au/national/extreme-weather-live-updates-heatwave-fires-heavy-rain-cyclone-warnings/83b0dcd3-39df-4a51-a3ca-db54ef910df3
