Faamauina lapataiga a le vaaitau e faatatau i le vevela o le a aafia ai setete o Ausetalia amata atu i le asō. O Melepone o loo faamauina e oo atu i le 42 tikeri le malosi o le vevela i le laumua.
Na amata faalogoina lava le vevela i le amataga mai o le vaiaso ma ua faailoa e le vaaitau o loo aafia ai setete e pei o Vitoria, NSW, Kuiniselani, WA,SA ma le Northern Territory i le faasolo atu i le faaiuga o le vaiaso.
Fai mai o isi faaitū o Melepone e oo atu i le 45 tikeri le vevela ma ua faamauina ai foi ma lapataiga e taofia ai le faaolaina o ni afi i nofoaga ia o loo lapataia.
O le Aso Faraile ua lipotia o le a faateteleina tulaga lamatia ona e le gata o le malosi o le vevela a o le faatupula’ia o le malosi o savili o le a faafaigata ai foi galuega a le tineimu pe afai e tulai mai ni afi i togavao poo nisi nofoaga.
Puna o Faamatalaga: https://www.9news.com.au/national/australia-weather-update-melbourne-and-adelaide-heatwave/6a05417b-0231-488d-9de8-470a5c6569d3
