O se su’esu’ega fou ua faalauiloa mai e le Iunivesite o Adelaide ua ta’ua ai o le taumafa o lau ipu kofe i le aso e ono puipuia ai oe mai aafiaga o le fatu ua ta’ua i le faaperetania, o le Atrial Fibrillation poo le sologa lelei o le tā tā o le fatu.
O se faaletonu taatele e pei ona ta’ua e le 9News e aafia ai le tasi mai le tolu o tagata i le soifuaga ma e ono oo ai lava ina faaletonu le fatu, stroke pe ma’umau ai foi le soifua.
Fai mai le lipoti pe ā ma le ‘afa miliona tagata i Ausetalia o loo aafia i le tulaga lea e ta’u faapuupuu o le AF ma ua faailoa e iai foi ona sootaga i gasegase e pei o le toto maualuga, soona puta ma isi gasegase tau le fatu.
Ae fai mai la le su’esu’ega lea a le iunivesite, o le kofe e mafai ona faaitiitia ai aafiaga o le AF.
Fai mai i latou sa faatinoina le su’esu’ega, ua latou iloa o i latou e taumafa le kofe i aso uma ua faaitiitia ai aafiaga o le AF peita’i e tele atu aafiaga ia i latou e lē taumafa kofe.
Puna o Faamatalaga: https://www.9news.com.au/national/coffee-heart-health-reduce-atrial-fibrillation-irregular-heartbeat/61405206-9a9d-44f6-999a-f93f015cca1b
