E fā tino maliliu na maua i se fale na mū i Kuiniselani ina ua valaau ane le tineimū i le fale lea i Opal St i Emerald poo le lata i le fitu i le taeao.
O loo iai lipoti na vaaia le sasao malosi o le afi mai lea fale ma i le mae’a o galuega a le tineimū ma leoleo na maua ai loa ma tino maliliu ia i totonu o le fale.
O le taimi nei o loo faagasolo su’esu’ega i lea faalavelave ae ua faamatala e le Premier o le setete, David Crisafulli o se matua’i faanoanoaga ua tula’i mai aemaise i aiga o i latou ua aafia.
E lē o iloa pe aiga uma i latou ua maliliu ae o loo faatalia le i’uga o le su’esu’ega.
Puna o Faamatalaga: https://www.9news.com.au/national/emerald-queensland-four-bodies-found-in-house-fire/9d0ac566-d350-46b6-b81a-2fe7be391155
