Ua iai le fuafuaga a le Singapore Airlines e pei ona latou folafola, le aumaia o le latou vaalele double decker Airbus A380 i Niu Sila nei.
O le vaalele tele lea e 471 nofoa o le a suia ai le vaalele A350-900 ma faaopoopo ai ma isi nofoa e 1,526 mo faigamalaga i le va o Singapore ma Aukilani i le vaiaso.
E toatele foi tagata Niu Sila e faimalaga i lea atunuu mo tafaoga ma malologa ma ua faailoa i nisi tusitusiga o le Singapore Airlines e iai lona sootaga i le Star Alliance, o lona uiga o le a mafai foi ona maua ni faamāmā avega mo le aulagolago a le Ea Niu Sila i ia auaunaga.
