O le lona 32 ai lea o taamilosaga a le vaega laiti i le taaloga tenisi a le Oceania lea o loo faagasolo i Fiti.
O lenei taamilosaga o loo auai le ‘au a Samoa ma o loo finau uma le autaaalo mo so latou avanoa i le quarterfinals e pei ona faailoa mai e le Sui Peresitene o Yvonne Carruthers.
“E toatele le ‘au a Samoa o loo tauva ai i lenei taamilosaga faatasi ai ma nisi o atunuu o loo tauva ai.
“Pe 6 lava tausaga o faatino lenei taamilosaga, ae o atunuu lava lea i Sasae o le Pasefika lea e iai Samoa e siamupini lava, o le ala lea o le finauina e alo ma fanau nei ia maua se ‘ai o a latou taumafaiga.”
E tolu vaega o loo agai ai lenei taamilosaga o i latou e i lalo o le 16 tausaga, 14 tausaga ma le 12 tausaga, ma o i latou ua maoa’e le tulaga o le taumafai i le taaloga tenisi lea o loo filiina e tauva ai lenei taamilosaga.
O loo auai ai sui o le asosi tenisi faavaomalo i lenei taamilosaga e molimauina le tulaga ua oo ai le atina’e o le taaloga tenisi i alo ma fanau laiti a le Pasefika.
