O le afioga i le Palemia, susuga Laaulialemalietoa Leuatea Polataivao Fosi o le a fai ma sui o le malo o Samoa i toe sauniga o lē sa avea ma Kovana o Amerika Samoa mai le tausaga e 2013 i le tausaga e 2021, le afioga Lolo Letalu Matalasi Moliga.
O le auai atu o le Palemia o le malo tuto’atasi o Samoa o se faailoga o le mafanafana o sootaga o o tatou tagata e lē gata o le uso tuofe ae o le galulue faatasi o ta’ita’i o Samoa e lua.
O le ogatotonu o lenei vaiaso o le a faia ai toe sauniga ma faaaloaloga faalemalo mo lē sa avea ma ta’ita’i o le malo o Amerika Samoa.
