O lea ua taofi mai foi e Meleisia le auina atu o meaola mai Ausetalia ua mulimulitai ai i le faaiuga na faia e Indonesia e taofia le auina atu o meaola mai nofoaga e fā i Ausetalia ona o popolega i le faama’i o le pau o manu le lumpy skin disease na amata mai le masina talu ai.
Fai mai le fomai ulu o togaftiga o meaola, Mark Schipp e lei faamauina lava le LSD i Ausetalia ma o loo faatalanoa nei ma sui mai Meleisia e tusa o le mataupu.
O le pepesi o sea faama’i o le a faamalosia ai loa Ausetalia e faamuta le auina atu o aano o manufasi ma isi oloa ae toe fetuunai maliega tau fefaatauaiga.
O le faama’i lea e feaveai e iniseti ma e aafia tele ai manupapalagi.
O loo ta’ua e le ABC o loo matatituina lea vairusi i Ausetalia ae leai se faamata’u o iai i tagata.
