Ua iai lipoti o loo faigaluega fua tagata e lē totogia i le Atu Mariana ma ua faamata’u ane foi ma se faaletonu o le a iai taumafa ona o tulaga ua iai le malo tele o Amerika aemaise i tulaga o fesoasoani.
Ta’ua e le RNZ o le tapunia o auaunaga i Amerika i le aso 1 o Oketopa ina ua lē pasia i le konekeresi auaunaga e faatupe ai fuafuaga, ua alia’e ai ma se tulaga e ono oo iai le SNAP poo le Supplemental Nutrition Assistance Program poo le food stamps lea la e aafia ai ma atunuu e pei o le Atu Mariana.
Tula’i mai lea tulaga ina ua faailoa e le matāgaluega o faato’aga a Amerika lea e vaaia polokalame ia, ua leai se tupe e faatupe ai le auaunaga mo le masina o Novema.
O loo ta’ua i le lipoti se saunoaga mai le faauluuluga o auaunaga mo tagata, Francine Salas e faapea na te lē iloa poo afea o le a toe amata ai le polokalame lea o taumafa e fesoasoani mo tagata, ae o loo matua’i mana’omia e tagata taumafa mo o latou aiga.
Fai mai o loo sologa lelei pea le faatupega o polokalame mo le Atu Malesala, Marshall Islands peita’i i le Atu Mariana e aofia ai ma Guam o loo i se tulaga lamatia foi.
Puna o Faamatalaga: https://www.rnz.co.nz/international/pacific-news/577656/people-are-hungry-us-shutdown-puts-food-assistance-in-cnmi-guam-at-risk
