Ua momoli le faamālō ma le faafetai a le Ta’ita’i o le Malo, le afioga i le Palemia o le Minisita foi o le Matagaluega o le Va i Fafo ma Fefaataua’iga, i le tautua a le afioga Peseta Noumea Simi, sa avea ma faauluuluga o lea matagaluega mo le sefulutasi tausaga; ma ua taunu’u ai i tausaga e 47 o auauna ma galue i le malo.
O le saunoaga a Peseta na ia faailoa ai lona talia o le faaiuga ma ua ia lagona o se taimi talafeagai lea mo ia.
O se vaega lenei o le saunoaga a le ofisa sili ua mālōlō manumalo faapea le afioga i le Palemia i auala o fesootaiga a le Malo.
Le afioga i le Palemia, susuga Laauliamlemalietoa Leuatea Polataivao Fosi ma le afioga, Peseta Noumea Simi.
O le fa’aaloalo a le palemia ma le malo i le fa’amavaega na tatala ai i le ‘auafa i le fa’atamāli’i na saunia, ae salani i le meaalofa tupe e sefulu afe tala.
Sa auai i le fa’amavaega ma nisi o tamāli’i sa galulue i le Matagaluega o le Va i Fafo ma Fefaataua’iga ua mae’a tausaga sa galulue ai i ofisa o le malo o Samoa i atunuu e pei o Fiti, ma Iapani, ae sa auai foi le ma le konesula o Samoa i totonu o le teritori o Amerika Samoa.
Comments
Loading comments…