E iu ina avea o se aso malolo i Ausetalia i Sisifo poo Western Australia le aso tonu o le faauuga o le Tupu o Peretania, King Charles III.

Sa saunoa le Premier o lea setete Mark McGowan o le sauniga lea o le a alu i le talaaga ma o le a iloilo ai pe ono talafeagai ai se aso malolo o lea setete.

E lei leva nei na faailoa e le Buckingham Palace nisi o faamatalaga o lea aso i Peretania lea fai mai e tolu lelei aso o le a faia le faamanatuina o lea sauniga tāua.

O le coronation la e faia i le Aso Toonai 6 o Me ma o le a aofia ai se taumafataga tele faapea se koneseti tele foi i le aso e sosoo ai ma faaiu ai i se isi aso malolo i le Aso Gafua ma ua valaaulia ai foi le lautele o le atunuu e auai ai i le Big Help out day.