O le asō le aso mulimuli o loo tuu mai i tagata Aukilani na faaleagaina fale i lologa ma palapala solo e faatalosaga ai i le faiga e mafai ai ona faatau e le puleganuu o latou fale.
E silia ma le 7000 fale na faaleagaina i le amataga o le tausaga talu ai e lē gata o le ‘afa a o timuga mamafa na iai, ma mai lea fuainumera e i lalo mai o le ‘afa lea ua lesitala i le faiga e faatau ai e le puleganuu o latou fale.
Mai le sui o le puleganuu o fale na faaleagaina ma o loo agavaa e aofia ai fale na lolovaia i le maualuga e silia ma le ‘afa mita, o fale na red sticker pe na yellow sticker foi, atoa ai ma fale na faaleagaina i palapala solo.
O le asō le aso mulimuli e mafai ona faatalosaga ai i le puleganuu mo lenei ofo, ma e oo mai i le taimi e tuufaatasia ai tala o le taeao ua 770 fale ua agavaa e toe faatau e le puleganuu a Aukilani.
