Na maua le avanoa o le Palemia, Christopher Luxon e asia ai Wairoa i le faai’uga o le vaiaso ma o lea foi ua polomisi iai le $3 miliona.
O le taeao o le Aso Toonai na iai Luxon faapea le minisita ia Mark Mitchell o le Emergency Management and Recovery, ma na ia faafetaia ai foi le toatele o loo galulue nei e toe faamamā ma faatulai Wairoa mai lologa na iai i le lua vaiaso talu ai.
O se avanoa foi na viia ai e le Palemia le loto tetele o tagata Wairoa a o faaauau pea ona lamatia ona o uiga loulouā o le tau talu mai lava le afā o Gabrielle seia oo mai i lologa o loo toe tau faamamā nei.
E $3 miliona le polomisi a le malo na faailoa ai e Luxon ma e faapitoa lea mo galuega faamamā.
Na faailoa ai foi e le Palemia o le a ta’ita’ia e le minisita ia Mitchell iloiloga o loo faasolo nei e pei ona sa faatalosagaina e Wairoa ma lana puleganuu.
Puna o Faamatalaga: PM visits flood-damaged Wairoa, promises $3 million for clean up – NZ Herald
