Ua valaau Saina ia Amerika ia ‘alofia le uia o laina mūmū e fā ina ia faatumauina ai pea le sootaga lelei o atunuu e lua talu ona mae’a le feiloa’iga a ona ta’ita’i i le vaiaso talu ai, a Donald Trump ma Xi Jinping.
Ta’ua e le CNN, o laina e fā o loo faatatau iai faamatalaga a Saina, o le atunuu lea o Taiwan ma ona aiā tatau, o faiga faatemokalasi, itu faapolokiki ma le aiā e atina’e ai, o le faapupulaga lea mai le amepasa o Saina i Amerika o Xie Feng a o faia sana faamatalaga i le aufaipisinisi a Saina ma Amerika i le vaiaso nei.
Fai mai Feng o loo latou faamoemoe ia aua ne’i kolisia e Amerika laina nei ma tupu ai se faaletonu.
E ui la o se tasi lenei o matāupu ua faaumiumi lava o feeseesea’i ai finagalo o Saina ma Taiwan ae o loo lipotia e le’i lōtea i le talanoaga a Trump ma Jinping i le vaiaso talu ai se’i vaganā matāupu tau fefaataua’iga lea ua iai se maliega i le va o atunuu e lua.
Puna o Faamatalaga: https://edition.cnn.com/2025/11/04/china/us-china-red-lines-xie-feng-intl-hnk
