Ua iai se maliega ua taunuu iai talanoaga a Amerika ma Korea i Saute e faatatau i fefaataua’iga.
Ua faailoa e se sooupu mai le ofisa o le Peresetene o Korea i Saute o le a faaitiitia lafoga totogi mo oloa poo tariffs mai le 25 pasene i le 15 pasene e pei ona malilie foi iai muamua i le amataga o le tausaga.
O le a inivesi foi e Korea i Saute le $350 piliona i Amerika e aofia ai ma le $200 piliona inivesi tau tupe ma le $150 piliona e inivesi i le fausiaina o vaa.
O loo iai nei Donald Trump i le Atu Asia ma ua ia ta’ua i le lipoti a le BBC, ua lamalama faai’u le maliega lea e ui na te le’i faamatuu ane nisi faamatalaga e uiga i lea matāupu.
Peitai na ia ta’ua o se feiloa’iga matagofie tele sa faia ma le Peresetene o Korea i Saute, Lee Jae Myung ma e tele foi matāupu sa faatalanoaina.
O loo tālia la se tulaga o le a iai se feiloa’iga a Trump ma le ta’ita’i o Saina, Xi Jingping i le vaiaso nei lava i le aai o Busan.
Puna o Faamatalaga: https://www.bbc.com/news/articles/cly4jz9zr50o
