O le malaga a Donald Trump i le Atu Asia i le vaiaso nei sa ia afea ai Meleisia ma feiloa’i ma le Emeperoa o Iapani i Tokyo ma taliaina foi se foa’i tāua mai Korea i Saute ma sa manatu ai nisi e ono faia sa la fonotaga ma le ta’ita’i o Korea i Mātū o Kim Jong Un, peita’i e leai.
E tele taimi ua saunoa ai Trump e fiafia e feiloa’i ma Kim i le itulagi lea peita’i e foliga e le’i faataunuuina i lea faigāmalaga.
Ua faailoa i lipoti a le CNN sa fesiligia e tusitala Trump i le matāupu lea a o le’i aga’i ese ma Korea i Saute, ae na ia ta’ua e le’i mafai lava ona faia ni talanoaga ona o lona pisi tele, ae na ia ta’ua e fia feiloa’i pea ia Kim pe a toe asiasi atu i Asia.
Puna o Faamatalaga: https://edition.cnn.com/2025/10/30/asia/us-north-korea-trump-kim-analysis-intl-hnk
