O le scheme a le faigamalo talu ai ua faaigoaina o le Robodebt lea ua faagasolo nei iai suesuega a le Royal Commission ma ua fesiligia ai i latou sa faafoeina lea faiga.
O sea scheme e tele sona aafiaga na iai i tagata atoa ai ma nisi na pule i o latou soifua e pei ona iai lipoti i le atunuu i se taimi ua sola ina ua tulituliloa e ofisa o le malo i le faigamalo talu ai ina ia toe totogi ane tupe o loo aitalafu ai e mafua ona o le faiga lea o le robodebt.
O loo fesiligia la lē sa avea ma teutupe i le taimi o lea faiga, Christian Porter ma o ia foi sa avea ma Minisita o le social services mai le 2015-2017.
Ua ia faailoa i le komisi suesue sa tuuina ane ia te ia faamatalaga lē sa’o mai se tasi o ofisa o le malo e faatatau i le faagaioia o lenei scheme ma ina ua faaumiumi o galue i le mataupu lea sa ia iloa ai e lei lelei le faatulagaina o lea faiga ma sa le fiafia lava iai ma ia ta’ua foi sa ia faailoa ia popolega i le tagata na avea ma Palemia i lea taimi o Malcolm Turnbull.
Ina ua fesiligia pe na ioeina le tali i lana matafaioi sa faatino i le scheme lea sa tali Porter e na te taliaina. O loo faaauau pea lea suesuega.
