Ua amata i le Aso Gafua o lenei vaiaso ona su’esu’e moliaga o faiga fa’aālatua i le tagi tau palota mai le Itumalo palota o Safata 2. O se mataupu tau faamasinoga ua na o molimau e lagolago ai moliaga a le sui sa tauvā i le palota laitiiti a lea itumalo o ia lea o Leleua Suataga Aso faasaga i le sui faipule na filifilia mai le palota laitiiti ua mae’a le afioga Tuia Pu’a Fuatogi Letoa na manumalo i le aofa’iga e 551 palota.
O le maua e nisi o tagata palota o le itumalo o seleni mai le taui e 10 miliona ona o le manuao o le Manawanui o loo goto i gataifale o Safata o loo mafua ai nisi o moliaga o le tagi tau palota.
E ono moliaga o faiga fa’aālatua o le a su’esu’eina i luma o le afioga i le faamasino sinia o le Faamasinoga Maualuga le afioga, Leutele Niava Mata Tuatagaloa, ma le faamasino o le Faamasinoga Maualuga le afioga, Leiataualesā Daryl Clarke, o loo se’ei i le su’esu’eina o lea mataupu i le faamasinoga o mataupu tau palota.
E valu molimau a le itu tagi o le a vala’au mo su’esu’ega a le faamasinoga.
Comments
Loading comments…