I le uma ai o le 9 masina o feutanaiga e leai se maliega i totogi faapea le tele o galuega a probation officers ma community corrections staff o lea ua agai i le tetee.
O i latou nei o loo galulue i tua i le komiuniti ma i latou o loo tuli faasalaga i le mae’a faamaonia o soligatulafono ma ua fai le iuni a le PSA poo le Public Service Association o tagata aupito i maualalo ai ia o totogi o loo faafaigaluega e le matagaluega o falepuipui.
E le gata ai la e faafesagai ma i latou nei o loo tuli faasalaga i tua ae faapea ai foi ma i latou e toe tipoti mai i le atunuu poo le vaega ua ta’ua o le ‘au 501 e toe faafoi mai e Ausetalia.
Na ta’ua e le iuni o tagata o loo faigaluega i galuega ofisa e lē atoa se $50,000 i le tausaga ma o le toatele lava o loo maua le $68,000 i le tausaga, e tusa lea e faaitiitia i le $10,000 pe a faatusa i tagata o loo galulue i le matagaluega o le Social Development.
O ananafi lea na amata savavali ese ai i latou nei mai galuega ma o loo fuafua e toe fai foi i le Aso Tofi o le vaiaso a sau ma le aso 27 o le masina nei lava.
Ae mai le matagaluega o falepuipui o loo faaauau pea nei talanoaga ma le iuni.
