O le faaiuga o lenei vaiaso o le a amatalia ai se tauvaga alova’a ua faaigoaina o le 2026 Waka Ama Sprint Nationals, faataunuuina i Karāpiro.
O se tauvaga aupito i telē lea i le tala faasolopito o le faatino ai o lea fa’agatama o le tai.
E lata i le 5000 tagata alova’a, 800 ua maualuga ai lea numera nai loo le tausaga talu ai. Ma o ē o loo tauvā ai e mai 5 agai le 85 tausaga le matutua.
O lea taamilosaga o loo tuufaatasia ma faatautaia e le Waka Ama Aotearoa NZ, ma o loo lagolagoina ma tuuina atu ai le tau’au fesoasoani a le mana whenua Ngāti Korokī Kahukura ma Ngāti Hauā.
Faamauina o lenei foi tauvaga o loo avea lea ma taamilosaga e saofagā atu ai ē e manuia i le su’egāsiamupini o le e 2026 World Sprint Championships, faataunuuina i Singapore.
Faamatalaina e le faauluuluga o lea taaloga, Lara Collins o se matāti’a lea numera o tagata auai, o se pine faamau lea o le siitia o tulaga o le taaloga aemaise o le iloa o tagata o le taaloga.
Ta’ua o le a amata taaloga i le taaloga a fanau iti i le Aso Sa, ae faaiuina i taaloga a tama’ita’i i lona su’egasiamupini i le 500 mita, faatino lea i le aso 17 o Ianuari.
Puna o Faamatalaga: https://www.rnz.co.nz/news/sport/583560/biggest-waka-ama-nationals-in-history-set-to-begin
