Ua amata polokalame e faamasani ma faalautele atili ai le iloa o fomai mai fafo i taiala o auaunaga faafomai i Niu Sila.

Ua sau ai i le mae’a sau o lipoti a le Te Whatu Ora e silia ma le 600 fomai sinia ma le 2,500 tausimai o loo utiuti ai le aufaigaluega i falemai.

O lea ua amata polokalame nei i Aukilani ma Hamilton, ma o loo taulai lea i fomai na maua faailoga i fafo peitai e le o iai se poto masani i galuega faafomai i Niu Sila, ma e eseese uma lava ituaiga tomai ma iloa i le va o atunuu taitasi.

O ni polokalame faaleaoaoga e amata i le 6 vaiaso i totonu o potuaoga, mulimuli mai ai i tua le 4 masina i le falemai ma o le taimi atoa e tatau ona 2 tausaga e faigaluega ai i le falemai faapea tua i le komiunti.

O loo aofia i totonu o nei polokalame le faamalamalamaina o le system a le soifua maloloina i Niu Sila faapea ai ma ituaiga vailaau o loo faaaoga i tala vai.