Ua iai le kamupani Ausetalia lea ua faamaonia o le a suia le faatulagana o aso faigaluega mo ana aufaigaluega ina ua mae’a sainia se maliega ma le Australian Services Union.
O le uluai fa aso o le vaiaso e faigaluega ai e pei ona ta’ua ua iai nei le maliega lea i lea kamupani, o tagata faigaluega fulltime e faigaluega 35 itula i le vaiaso e mafai ona filifili e faaitiitia mai aso faigaluega i le na o le fa ae 30 itula i le vaiaso e aunoa ma se ma’umau o le totogi.
O le tagata faigaluega part time o le a faapea foi ona fetuunai.
Fai mai la o lea o le a amata le faataitaiga o lenei faiga ma e toeitiiti 100 tagata faigaluega a le kamupani lea o le a aofia ai ma o le uluai maliega lea ua faia i lalo o le Enterprise Bargaining Agreement poo le EBA.
Fai mai e toatele tagata e mananao i le faiga lea ia maua ai foi se isi aso e malolo ai ae tuli uma itula faigaluega masani i aso ia e fa o le vaiaso.
