E toa 54 le vasega fou o alii ma tamaitai ua ofoina lo latou olaga talavou e galulue ai o leoleo o le Malo, lea e toatele i tamaitai e 36 ae 18 alii.

Ua faailoa i le upega tafailagi a le matagaluega o leoleo, falepuipui ma le ola toe fuataina, e 17 vaiaso o le a feagai ai le vasega fou ma aoaoga i mataupu tau i le galuega e aofia ai le malamalama i tulafono faaleoleo, ma le tausia o le vafealoaloai ma tagata lautele, aemaise o aga tausili ma le amio pulea.

O le vasega lona lua o leoleo mo lenei tausaga ma o se tasi o tapenaga tāua a le matagaluega i le agai atu i le tausaga fou e usuia ai i Samoa le fono a taitai o Malo o le Taupulega a Peretania.

O le ‘ava o le feiloaiga na auai faauluuluga o le matagaluega e aofia ai le Komesina na tomua ai le aso amata o aoaoga faaleoleo a le vasega lona lua o alii ma tamaitai ua fia avea ma Malu o le Malo.