O le aso ananafi na faia a se sauniga faapitoa mo le aulakapi a tamaitai le Black Ferns i le Palemene e faamanatu ai le latou manumalo i le Ipu o le lalolagi i lea faagatama i le masina talu ai. 

Sa vaaia ai le tumutumu o fafo ane o le Palemene i le atunuu na agai atu e faailoa le lagolago ma le fiafia i le ‘au a tamaitai ma tulaga na ausia i lenei tausaga.

Sa saunoa ai le tamaitai Palemia e faafetaia le sao o le Black Ferns aemaise o le tapuaiga a le atunuu.

O le faiaoga o le ‘au Wayne Smith sa ia saunoa foi i le tulaga na iai tapenaga a le ‘au ma le komiuniti a o tapena ai mo le Ipu o le lalolagi ma le tulaga ese foi o tamaitai taalo o le ‘au.