Ua lipotia le iai o se isi variant fou o le Koviti-19 ua alia’e ma o se faamanatu lea i le atunuu, o loo faaauau pea ona pepesi lea faamai i le lalolagi.
Ua faaigoaina lea variant o le EG.5 ma e afua mai foi mai le Omicron.
Ua faaopoopo atu lea variant i le lisi a le faalapotpotpoga o le Soifua Maloloina a le Lalolagi le WHO ma o loo mataituina foi.
E oo mai i le asō ua iai tagata ua aafia i le variant fou lea i le UK, Amerika ma isi vaega.
Ua toe faamanatu mai e le soifua maloloina puipuiga masani aupito sili agai i le koviti e pei o le faia pea o talifofoga, faia o tuipuipui ma le tausia lelei o le soifua maloloina aemaise le ea e manavaina.
