Ua iai se isi faamatalaga fou ua aliae i le sailiga o le mafuaaga tonu o le faamai o le Koviti-19.
O ni faamatalaga ua tuuina aloaia i luga o upega tafailagi ua faailoa ai e se vaega o tagata suesue faavaomalo, o mea ua maua ia latou suesuega ua faaopoopo atu i faamaoniga o meaola o loo faatauina i maketi sa ono pasiina mai le koronavairusi i tagata ola, e foliga o le mafuaaga lea o le Koviti-19.
Ua maua i suesuega o faamaoniga sa aoina mai i faleoloa ma mea sa iai i le Huanan Market i Wuhan lea e faamaonia mai le aafia ai lava i traces poo faamaoniga o le vairusi e mafua ai le koviti.
Fai mai e lei iai se isi na silasila i faamaumauga ia mai le suesuega sa faia sei vagana ua tuuina aloaia e le ausuesue a Saina faamaumauga mai suesuega na o latou faatino.
O faamaumauga la ia na maitauina e nisi o tagata suesue faavaomalo ma o latou aveina loa mo le faia iai o nisi suesuega faaopoopo.
