Search
Photo Credit: RNZ

Alia’e faamaumauga ua ta’ua ai e leai se malosi o le pulenuu o Aukilani e faatonuina ai galuega a le Auckland Transport

Ua lipotia i le televise tasi i le asō ua iai imeli ua mafai ona tuuina ane i lalo o le Local Government Information Act ua faailoa ai e na o ni nai minute talu ona faia faalauaitele le finagalo o le Pulenuu o Aukilani o Wayne Brown e faatatau i le taofia o galuega i poloketi sa faatupe mai le Regional Tax Fuel poo le RTF ae fesiligia loa e se tasi o Councillor poo se sui o le pulega pe iai sona malosiaga na te faatino ai lea tulaga ma o le tali, e leai.

Fai mai le lipoti ua alia’e mai ia faamatalaga i le mae’a o feupuaiga a le Pulenuu ma le minisita o iai nei o felauaiga Simeon Brown e faatatau i le faatupega o galuega i le aai.

E oo atu ia Iulai ua leai le RTF ma faafesili ai loa le tele o poloketi sa faatupeina mai i lea faiga i Aukilani.

Talu ona faailoa mai e le malo lana faaiuga i le mataupu lea i le masina talu ai i le aveesea o le RTF na faailoa ai loa se faamatalaga mai le Pulega a Aukilani sa faaulutala i tusitusiga, e faapea ua saunoa atu le Pulenuu ia taofia loa galuega o loo faia i poloketi ia sa faatupe mai i le RTF, peitai e lei taofia galuega ma ua iloa nei i imeli e pei ona ta’ua e lē mafai ona faatonu e le Pulenuu le Auckland Transport ia taofi pe amata se galuega.

E lei maua se avanoa o le lipoti lenei i le Auckland Transport ma e lei fia faia foi se faatalanoaga a le Pulenuu ma le RNZ e pei ona lipotia.

Tala sili ona faitaulia

SAMOA UPDATE

PODCAST

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required