Ua amata agavaa mai le aso fanau 16 ma le 17 tausaga ile tui o le booster
O le faamaoniga lea mai le minisita o le Koviti Chris Hipkins ananafi ma o se faaiuga ua faia I le maea faamaonia ai e le Medsafe o le faaaogaina o le vailaau a le Pfizer mo fanau nei
O talavou 16 ma le 17 o le a mafai ona agai I walk-in vaccination centres mai le aso e aunoa ma le tau faia o ni bookings, ae a manao I le booking ona onosai lea mo le isi vaiaso faatoa mafai ona faia I luga o le Book my Vaccine
Ae e le I faia lea faaiuga o lea sa na o I latou 18 tausaga agai I luga e agavaa I le booster
O le agavaa ai o lea va I tausaga mai le aso o lona uiga o le a faaopoopo ai talavou e 36,000 e mafai ona faia tui lona tolu nei
Ae mo talavou 16 ma le 17 tausaga na maua I le Koviti ae o loo mananao I le booster e tatau ona faatali seia atoa le tolu masina faatoa mafai ona faia lea o le booster
