Fonotaga a le Kapeneta
Fonotaga a le Kapeneta

Agai le Kapeneta fou i o latou ofisa i le fale o le malo

O se taeao mataina mo Samoa i le taeao nei i le afifio atu ai o le Palemia fou o Samoa le uluai tamaitai ua tulai mai le tofi le afioga Fiame Naomi Mataafa ma lana kapeneta i le maota o le malo i le Fiame Mataafa Faumuina Mulinu’u Building.

Na faafeiloai e le Ofisa Sili o le Matagaluega o le Palemia ma le Kapeneta Agafili Shem Leo le tamaitai Palemia ma Minisita o Matagaluega taitasi.

Mo le uluai Palemia tamaitai o Samoa na faaali le lagona o le fiafia ma le faagaeetia o le afioga ia Fiame Naomi Mataafa a’o nofo ai i lona nofoa mo le uluai taimi ma faapea “faafetai i le Atua ua tau lau o le faamoemoe ua umi ona tauasa mai le tatou mataupu, o le mea e sili ua aulia mai ma le manuia”.

O le itula e 10 o le taeao nei (taimi samoa) lea na feiloai ai mo le tauaofiaga o le kapeneta lona 17 o le malo tutoatasi o Samoa.

O le aso foi ananafi na faafeiloai atu ai le Fofoga Fetalai ma le Sui Fofoga Fetalai e ala i se ava o feiloaiga na faatautaia e le aufaigaluega.

O le kapeneta lenei a Samoa mo le 5 tausaga;

Palemia – Fiame Naomi Mataafa
Sui Palemia – Tuala Tevaga Iosefo Ponifasio
Fofoga Fetalai – Papalii Li’o Taeu Masepa’u
Sui Fofoga Fetalai – Auapaau Mulipola Aloitafua
Minisita o Faatoaga ma Faigafaiva – Laaulialemalietoa Leuatea Polataivao Schmidt
Minisita o Galuega o Felauaiga ma Atiane Eseese – Olo Fiti Vaai
Minisita o Pisinisi Alamanuia ma Leipa – Leatinuu Wayne Sooialo
Minisita o le Soifua Maloloina – Valasi Luapitofanua Toomaga Tafito
Minisita o Leoleo ma Falepuipui – Faualo Harry Schuster
Minisita o Tupe – Mulipola Anerosa Ale Molioo
Minisita o Aoga Taaloga ma Aganuu – Seuula Ioane
Minisita o Fesootaiga ma faamatalaga faatekonolosi – Toelupe Poumulinuku Onesemo
Minisita o Tina ma Tamaitai Atinae o Nuu ma Agafesootai – Leota Laki Lamositele
Minisita o Faamasinoga – Matamua Seumanu Vasati Pulufana

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required