E 6.3 i le fua mafui’e le malosi o le mafui’e na lūlū i le atunuu o Afghanistan, e lata ane i se tasi o aai tele i le itu i Mātū o le atunuu lea o loo lipotia e to’atele tagata e aumau ai.
O le vaega a le US Geological Survey na faamaonia ane i le CNN faamatalaga e faatatau i le mafui’e lea ma faailoa ai o lona loloto e 28km (17.4maila) e lata i le aai o Mazar i Sharif, o le laumua o le itumalo o Balkh.
O le tala faanoanoa ona o loo taua i lipoti o le malosi o le lūlū a le mafui’e e ono masalomia ai se to’atele o ni tagata o loo afaina amaise ona sa faalogoina foi i faaitu e pei o Tajikstan, Uzbekistan, ma Turkmenistan, o atunuu ia e tuaoi ma Afghanistan.
E lē o manino mai i le taimi nei ni aafiaga o le mafui’e ae fua i le malosi o le mafui’e ua faailoa i lipoti e ono i le va o le 100 ma le afe nisi o loo aafia.
Lipotia foi le faalogoina o aftershocks poo isi lūlūuga mulimuli ane.
O Oketopa 2023 na lūlū ai foi se mafui’e i le itu i Sisifo o Afghanistan e silia ma le 2 afe tagata na maliliu ai.
O loo faagasolo i le taimi nei le su’esu’ega i vaega na aafia i le mafui’e.
Puna o Faamatalaga: https://edition.cnn.com/2025/11/02/asia/northern-afghanistan-earthquake-latam-intl
