O le agaga fiafia o le tamaitai Amepasa o le Iuni a Europa i le Faalapotopotoga o le Toomaga mo ē Puapuagatia ma la latou polokalame na mafua ai ona afea ane i le aso ananafi a o iai i le atunuu mo le vaiaso i sana faigamalaga.
O se pepa o faamatalaga e faapea na logotala loa lea tamaitai o Amepasa i le poloketi a le Nofotane lea o loo masaa tonu mai iai fesoasoani a lea malo amata mai le 2020 seia oo mai le 2022 e tauala mai le CSSP.
Sa asia e lea tamaitai le nofoaga o loo nonofo ai fanau i le Campus of Hope ma sa faaalia o se tulaga sa faafiafiaina ai ma tele le taimi o lea tamaitai sa faaaluina o le feiloaiga lea ma tamaiti aemaise le nofoaga o loo tausi ai pepe.
Na ta’ua na matuā maofa le tamaitai Amepasa i le galuega o loo faatinoina nei e le Toomaga mo ē Puapuagatia.
Sa faafetaia foi e Siliniu Lina Chang fesoasoani tau tupe lea o loo tuuina atu mo le Toomaga mo ē Puapuagatia e faatino ai ana polokalame.
