E 18 tausagao se tama aoga ua taofia nei i le falemai i Kalaiesetete ona o le gasegase o le meningococcal ma o le toatolu ai lea o tagata ua aafia i lea faamai i lenei tausaga.
Ua mae’a ona fesootai i close contacts o lea talavou ma ua mae’a tuuina foi iai fualaau e taofia ai le aafia i le gasegase.
Na saunoa le ofisa tau le soifua maloloina i lea faaitu e pei ona lipotia i le one news, Dr Ramon Pink o loo maualalo se avanoa e pisia mai ai se tagata i le faamai lea mai lē ua aafia ae ua fautuaina malosi i latou e aumau i nofoaga pei o nofotumau i aoga ina ia faia tuipuipui o lenei faamai.
O le meningococcal o se faamai e vave tele lana gaioi ma o se siama e mafai ona matuai ogaoga ona aafiaga, e mafai ona aafia ai soo se tagata ae matele ina taatele i tamaiti i lalo o le 5 tausaga, tupulaga talavou.
O auga e aofia ai le malosi o le fiva, faasuati tulou, ma le tiga o sooga o le tino.
