Ua faamaonia mai le toatele o ma’i ma gasegase e aotovaa atu i le falema’i ua aafia a latou faamaumauga ona o aafiaga, a o se osofa’iga tau faatekonolosi – cyberattack i faamaumauga o loo faamauina i se auala faaintaneti a soifua maloloina ua ta’ua o le Manage My Health.
Māua e silia ma le 120,000 faila ma faamaumauga a tagata poo ma’i ua matua’i aafia.
Ta’ua o lea na lipotia lea faafitauli i sui o le auaunaga o leoleo i le aso a o lumana’i ai le Tausaga Fou, ma ua fa’aalia e le Health NZ o le a amata ona faafesoota’i e sui o le auaunaga poo le MMH ē ua aafia.
Ua tuufaatasia foi e le auaunaga se vaega o le a nafa ma le galuega mata’itu, e galulue soosootau’au ma leoleo aemaise le vaega o le National Cyber Security Centre e vā’ili’ili lelei lenei mataupu.
Ta’ua e le Soifua Mālōlōina lo latou agai ai e faatino gaioiga tau tulafono e puipuia ai le tele o faamaumauga ua leiloloa ma ave faagaoi tauala mai i lenei osofa’iga faatekonolosi.
Puna o Faamatalaga: https://www.rnz.co.nz/news/national/583156/manage-my-health-cybersecurity-hack-gps-whose-patients-data-was-stolen-identified
