6.9 miliona le fesoasoani a le malo o Niu Sila ua faamatuu mai e fesoasoani ai I pisinisi I totonu o le Pasefika e toe faaolaola ona o aafiaga o le Koviti
O le fesoasoani tupe ua faamatuu mai o le a faasoa lea tauala mai i le polokalame tumaoti ua faaigoaina o le Business Link Pacific o loo faatupeina e le matagaluega o le va I fafo a Niu Sila, ma o lea vaega tupe ua tatala mai mo talosaga e le gata mo nonogatupe e faia I lalo o tului maualalalo ae faapea fesoasoani tau tupe
O le vaevaeina o lenei vaega tupe, o le a amata I fesoasoani tupe mo le toe faaolaolaga o pisinisi, o gaioiga ma faaiuga talafeagai I le uma ai o le Koviti atoa ai ma le iloilo o talosaga e agavaa mo nonogatupe e toe faatulai ai le pisinisi ua afaina ona o le Koviti ma lona saua
O le taofia o femalagaiga I le va o atunuu ma aafiaga o fefaatauaiga ua faamauina ai e I lalo mai o le 50% o pisinisi I le Pasefika ua tapunia
O lea ua tatala le vaega muamua o nei talosaga ma o loo agavaa ai ma pisinisi laiti i Samoa O le masina fou e faailoa ai pisinisi ua faamanuiaina a latou talosaga mo le vaega muamua
