E to’a fāselau alo ma fanau a lo tatou atunuu o loo galulue nei i luga o vaa tetele o le sami i atunuu i fafo, ae mo le kamupani vaa o le Mediteranian Shipping Company poo le MSC, ua fāsefulu tausaga o faipaaga pea ma Samoa e ala i le kamupani vaa a lo tatou malo e ala i galuega faaseila mo tamafanau a le atunuu.
I le faafetaia e le malo o Samoa o lea sao tāua ua faailoa ai e le Sui Palemia le afioga Toelupe Maoiautele Poumulinuku Onesemo i se feiloa’iga ma sui o le vaa meli tele o le Magnifica sa afea le uafu i Apia i le Aso Tofi o lenei vaiaso.
O lea lagolago a le kamupani e ala i galuega faaseila o loo tautua ai alo ma fanau a Samoa ua sasaa mai ai le 40 miliona tālā i le tamaoaiga o le tatou atunuu.
O le afea o Samoa e lea meli tele ua faalua ai ona malaga mai i Samoa.
E to’asefululima fanau a le atunuu o loo galulue i luga o le meli o le Magnifica.
