O loo sasaa pea le agalelei a nisi o pisinisi, faalapotopotoga tuma’oti aemaise le mamalu o le atunuu i le Asosi Alovaa a Samoa a o iai i tapenaga mo lana taligamalo i le masina fou mo tuugavaa a le lalolagi.
O le Amepasa o Peretania o se tasi o paaga lea ua ia foai le seleni e $30,000 e fesoasoani ai i tapenaga.
Na ta’ua e Toaigaoaloalii Matthew Wendt o le Peresitene a le asosi, o lenei seleni o loo iai vaega e faaaogā iai.
“E 5 water stations, 200 faguvai aluminium, e faaaogā foi lenei seleni e faatupe ai pasi ma le mobility van, o le toe faaleleia o vaa ma faatupe ai vaega e manaomia tau soifua maloloina faatasi ai ma safetyboats ma nisi lava o equipments o loo manaomia.”
O loo lagolagoina foi e le Malo tapenaga a le asosi ma e 29 atunuu o le a malaga mai mo lenei faamoemoe.
