E 2 afe fanau aoga o le a maimoa ma tapuaia le taaloga a le Moana Pasifika ma le Queensland Red i le afiafi o le Aso Faraile le faaiuga o lenei vaiaso.
O lea aofaiga o fanau aoga o le a maimoa ma matamata fua e leai se totogi.
O se meaalofa mai le pulega o le Moana Pasifika e faailoa ai lo latou agaga fiafia i le faia mai o se latou taaloga muamua i laueleele o le Manu Samoa, aemaise o le tatou atunuu.
Faailoa mai i se pepa o faasalalauga, e atoa le lua afe o fanau e ulufale ma nofoia fale matamata o le malae taalo o le Apia Park, ona uma lea o le avanoa matamata fua.
Ua valoia o se taaloga o le a faatumulia ai le malae o le Apia Park i se aofaiga e 20 afe tagata maimoa, ae o totogi foi tupe mo pepa ulufale amata mai i le $10 tala.
