Mo le lautele o tagata e lei maua, e silia ma le tasi afe tagata o loo fiu leoleo e taumafai e faafesootai aemaise ai o latou auaiga.
E oo mai i le aoauli ananafi ua 1,442 tagata ua lesitala agai i leoleo e faaaoga ai le 105 o loo fiu e faafesootai.
O le toatele o i latou nei o tagata e nonofo i Hawkes Bay ma Tairawhiti.
I se faamatalaga mai leoleo atonu o le toatele o i latou nei e le o mafai ona maua e o latou aiga ona ua motusia uma auala o fesootaiga i nuu nei.
Ma a o faamalosiau mai ai, ua sau ai foi ma tala e ono iai se vaega o lea fuainumera e ono mafua ona ua uma o latou soifua.
Mai ananafi e oo mai i le asō ua faaopoopo leoleo e auina atu i Hawkes Bay ma Tairawhiti.
