E $114 ma sene le tau o le meleni i Invercargill na toe faasalalau e se tasi i luga o le Facebook ma faateia ai le toatele.
Na lipotia e le Stuff o le tau lea o le meleni sa pueina mai le PaknSave i Invercargill, ma talu mai ona faasalalau o lea ua toe sau i lalo le tau a le PaknSave i Invercargill lea ua $4.99 i le kilo.
Mai le Foodstuffs lea e iai i lalo le PaknSave, o lea ua tele le meleni ma ua toe sau ai i lalo le tau.
O le isi supamaketi o loo i lalo foi o le Foodstuffs le New World, na lipotia mai i le Aso Toonai o le tau lava foi lea e tasi o loo faatauina ai meleni e $4.99 i le kilo.
O le toatele o tagata Invercargill na faaali manatu, o loo fesiligia pe aisea ua soona taugata ai ae o ai foi e gafatiaina pe a fua i le toatele o tagata Invercargill.
O nisi na faaali manatu i tala a le Stuff, e pala ai lava e le taulia.
