E oo i le 40 tikeri le vevela o nisi o vaega o Sini i le asō e pei ona fautuaina mai e le vaaitau.
Ua tuuina mai ai ma lapata’iga mai le vaaitau e faaeteete ai tagata i le vevela o le a iai le asō aemaise i le faaitu i Sasae o Sini faapea foi i Brisbane.
Fai mai le vaaitau o le a mātele lava ina faapea le tau i aso o totoe o lenei vaiaso ae o le a iai sina suiga i le aga’i atu i le faai’uga o le vaiaso.
O le itu i Matu o Niu Sa Uelese lea foi ua fautuaina o le a malosi le vevela ma iai foi vaega o le a iai faititili ma uila e aafia ai i le aga’i atu i le afiafi.
O le faamatalaga a le vaaitau o heatwaves ia e aafia ai le atunuu e feavea’i e matagi mai le itu i Sisifo aga’i i le Matu o Ausetalia ma ua faailoa foi e le tineimu ua siitia foi tulaga lamatia o le atunuu mai afi e sasao ane ona o le vevela.
Puna o Faamatalaga: https://www.9news.com.au/national/australia-weather-updates-sydney-and-brisbane-to-nudge-40-degrees-today/1ca649c9-7154-40ec-9f1e-24d7511bfb8c
