Ua vave ona toe faatulai mai le tamaoaiga o le Atu Kuki na i lo fuafuaga sa faapea o le a iai.

O se tala fiafia lea mai le Palemia o lea malo ma o le vave ona toe faafoi o le Atu Kuki i le tulaga sa iai a o lei sau le Koviti o loo sau lea mai turisi ma le tele o faigamalaga a vaalele faaopoopo.

O Ianuari o le tausaga nei na toe tatala ai tuaoi o le Atu Kuki ma o Niu Sila lea na amatamea ma e na o ia foi le atunuu na o atu ai le tele o turisi.

O le faaiuga o le tausaga o loo vaavaai le Atu Kuki e tusa ma le 115,000 pasese e taunuu atu ma ua sili atu lea na i loe fuainumera na faapea e iai.

O lea foi ua tapena malaga tuusao mai Rarotonga e alu i Honolulu e amata mai i le tausaga fou.