Ua maitauina le tau fai finau malosi o sui faatutu o loo tamomoe nei i le faigapalota a le setete o Vitoria o loo sauni.
Toe 48 itula faagasolo le palota ma ua lipotia le vavalalata o taumafaiga a le au tauva.
O le Leipa lea o loo finau ai lē sa tulai mai i le tofi i tausaga talu ai nei Daniel Andrews ma le isi sui o Mattew Guy o loo finau uma mo le tofi o le premier o le setete.
I se palota faataitai na faia i le vaega faaupufai o loo aupito fiafia iai le toatele, o loo sili ai le Leipa i le Coalition e ui e itiiti lava le va.
O le aso lua o le vaiaso nei na faia ai le finauga po le debate a le au tauva i luga o le televise ma e tau fai tutusa lava foi i finagalo faaalia o tagata.
