Ua lipotia i le Breakfast i le asō le valaau ai o Dave Letele, o se tasi o loo finau mo se lelei o komiuniti, o se valaau i le malo mo se fesoasoani mo faaitu ua matuai aafia i lologa ma uiga louloua o le tau, e pei o Hawke’s Bay ma Gisborne.
Na faailoa e Letele ua lē iloa e tagata le mea o le a fai ma e leai foi se isi e fesootai agai iai mo se fuafuaga ma ua ia valaau ai i le Palemia e tatau lava ona ia asia ia faaitu ma ofoina ni fesoasoani mo ia tagata.
Na ta’ua foi e Letele i lea lava lipoti o le asō na o latou asia ai ia pitonuu sa foaiina ai le $30 afe i marae ma tagata peitai e le o ia o se malo.
Na fesiligia e le ofisa faasalalau se finagalo o le malo i lea foi mataupu.
