O le faaiuga o le vaiaso nei o le a faia ai toe sauniga o se tasi o fa’afeagaiga o le Ekalesia Faapotopotoga Kerisiano i Samoa ua mālōlō penisione, ae o se tasi sa logologoā ai tala o le ‘au lakapi o le Manu Samoa i ona taimi sa taalo ai ma avea ai foi ma kapeteni.
O le faifeau mālōlō manumalo le susuga ia Susuga Alesana ua faamauina i tala faasolopito o le pulega o le lakapi a Samoa lona sao i le atunuu a o taalo i le ‘au lakapi a le atunuu i le vaitau o le tausaga e 1979 e pei ona faailoa ai e le Manu Samoa.
O lona soifua taalo i le taaloga lakapi ma lona sao i le Manu Samoa na ia tu’ua ina ua ulufale i le Kolisi Faafaifeau i Malua i le tuanai o tausaga sa galue ai i le Matagaluega o leoleo.
O le tausaga e 2024 na aloa’ia ai i le fono tele i Malua o lena tausaga lona mālōlō penisione faatasi ai ma isi faifeau e toasefulu o le Ekalesia Faapotopotoga Kerisiano i Samoa ina ua aulia tausaga o le soifua e penisione ai.
Sa galulue Susuga Alesana ma lona faletua ia Faasasalu Alesana i le Ekalesia EFKS i Vavau i le itumalo o Lotofaga.
O le ogatotonu o le vaiaso nei e faia ai le sauniga faale’aiga o le tuumalo o le faafeagaiga.
Ua molimoli i le faletua ma le nofo a alo aemaise o aiga faamaisega mai le Peresitene o le Taitaifono ma le Pulega o le Lakapi Samoa i le tu’umalo o le faafeagaiga ia Susuga Alesana.
