A o faatali le paketi a le malo lea e sau i tua i le vaiaso fou, ua iai lipoti o le a taofi fesoasoani tupe o loo maua e i latou e faatau uluai fale motu, le First Home Grants.
O le First Home Grants o lea o loo totogiina mai i tagata agavaa e fesoasoani ai i le faatauina o uluai fale motu, ma o lea o loo faaalu ai e le malo le tusa ma le $60 miliona i le tausaga.
I faamaumauga i totonu o le tausaga na faauma ia Fepuari o le tausaga nei, e lata i le 25,000 aiga ua faatau o latou fale, ma i totonu o lea aofai e faa10 afe 500 ona totogi first home grants.
Peitai i lipoti a le Newshub i le afiafi ananafi o lea ua vaavaai le malo e taofi lea fesoasoani, ae aumai le tupe e faatupe ai fale o le malo lea o loo tauala mai i social housing.
O se suiga e lē o talia gofie e le toatele aemaise o loo tele ina faamoemoe iai tagata i taimi e faatalosagaina ai nonogatupe e faatau ai uluai fale motu.
O le first home grants o se tasi o fesoasoani na aumai i totonu e le faigamalo a le National i le tausaga e 2017.
Puna o Faamatalaga: https://www.newshub.co.nz/home/politics/2024/05/budget-2024-newshub-reveals-government-set-to-scrap-first-home-grants.html
